Froito da vontade que o Concello de Rábade ten de non se quedar atrás na idade das comunicacións presentámo-la nosa páxina web que intentará, principalmente, conseguir dous obxectivos:

O primeiro obxectivo é o de levar un cacho da nosa vila a tódolos que nos coñecen, nos queren e formamos parte deles e da súa historia.
Un segundo obxectivo é o de dar a coñece-la realidade deste Concello e promove-lo seu desenvolvemento turístico e de ocio.

Agardamos todo tipo de suxestións para mellora-la páxina web e queremos que entre tódolos que amamos Rábade poidamos aproveita-las facilidades que a ciencia nos dá para que dende calquera recuncho da terra se poida contactar coa realidade que os que témo-la sorte de estar aquí estamos a vivir.

Como representante de tódolos rabadenses deséxolles a tódolos visitantes da nosa páxina un saúdo agarimoso, agardando que nos premien cunha visita física, que nunca pode ser substituída por unha visita virtual.